គំនុំឈាមសំណាក់ព្រិល | Kumnum Chheam Samnak Pril

បន្ទាប់ពីគម្រោងការណ៍ដ៏អាក្រក់របស់និកាយផៃយៀ (Bai Yue Sect) ក្នុងការរុញច្រានពិភពគុណឱ្យធ្លាក់ចូលទៅក្នុងភាពវឹកវរបានបញ្ចប់ទៅដោយសោកនាដកម្ម ស៊ូ ជីងរុង (Shu Jingrong) ដែលជាកូនស្រីរបស់ស្តេចបិសាចលោហិត (Blood Demon) ត្រូវបានទទួលចិញ្ចឹមនិងបីបាច់ថែរក្សាដោយកំពូលមេក្បាច់គុនលំដាប់ព្រេងនិទានលោកម្ចាស់ ផៃ ឌី (Bai Di)។ ក្រោយពីទទួលបានការហ្វឹកហាត់យ៉ាងស្វិតស្វាញស្មាប្រកៀកស្មាជាមួយសិស្សច្បងឆ្នើមៗ ជីងរុង បានចម្រើនវ័យក្លាយជាកំពូលអ្នកក្លាហានស្រីដ៏មានសមត្ថភាពខ្ពស់ម្នាក់។ ប៉ុន្តែ នាងបែរជាត្រូវរកឃើញថាខ្លួនឯងកំពុងតែរងនូវបណ្តាសានៃភាពស៊យនិងសំណាងអាក្រក់ ខណៈពេលដែលរលកសោកនាដកម្មថ្មីមួយទៀតកំពុងតែឈានចូលមកដល់ ដើម្បីបំផ្លាញសន្តិភាពដ៏ផុយស្រួយនៃពិភពគុណអ៊ូលីន (Wulin)។